Ժոաու Ֆելիշն ու Ժոաու Կանսելուն միացան «Բարսելոնային»
02:16 2 սեպտեմբերի, 2023Պորտուգալիայի հավաքականի հարձակվող Ժոաու Ֆելիշն ու պաշտպան Ժոաու Կանսելուն միացել են Իսպանիայի չեմպիոն «Բարսելոնային»։ Երկու ֆուտբոլիստներն էլ կնքել են մեկ տարվա վարձակալության պայմանագիր, հաղորդում է կատալոնական ակումբի մամուլի ծառայությունը։
23-ամյա Ժոաու Ֆելիշի տրանսֆերային իրավունքը պատկանում է Մադրիդի «Աթլետիկոյին», պայմանագիրը նախատեսված է մինչեւ 2027թ․ հունիս։ Նրա տրանսֆերային արժեքը գնահատվում է 50 միլիոն եվրո։ Անցած մրցաշրջանի երկրորդ կեսը Ֆելիշն անցկացրել է Լոնդոնի «Չելսիում»։ Անգլիայի Պրեմիեր լիգայում նա մասնակցել է 16 հանդիպման, խփել է 4 գոլ։
29-ամյա Ժոաու Կանսելուն անգլիական «Մանչեսթեր Սիթիի» խաղացող է։ Անցած մրցաշրջանի երկրորդ կեսը նա վարձակալությամբ անցկացրել է Մյունխենի «Բավարիայում»՝ Գերմանիայի առաջնության 15 խաղում խփելով 1 գոլ, կատարելով 4 գոլային փոխանցում։
Transfermarkt-ը նրա տրանսֆերային արժեքը գնահատում է 50 միլիոն եվրո։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.