Մ-22 ԵԱ․ Հայաստանի թիմը պարտվել է Պորտուգալիային, Դանիային եւ Ֆրանսիային
20:42 24 հուլիսի, 2023Երևանում անցկացվել են վոլեյբոլի տղամարդկանց Եվրոպայի մինչեւ 22 տարեկանների առաջնության Ե ենթախմբի հանդիպումները։
Հայաստանի տղամարդկանց հավաքականը մրցել է Պորտուգալիայի, Դանիայի և Ֆրանսիայի հավաքականների հետ, երեք խաղում էլ պարտություն է կրել՝ չկարողանալով հաղթահարել ենթախմբի արգելքը, հաղորդում է ԿԳՄՍՆ-ի կայքը:
Ֆրանսիայի և Պորտուգալիայի հավաքական թիմերը մրցաշարի արդյունքներով իրավունք են ստացել մասնակցելու 2024 թվականին Նիդերլանդներում անցկացվելիք Եվրոպայի Մ22 տարեկան տղամարդկանց առաջնության եզրափակիչ փուլին։ Ֆրանսիան ենթախմբի արգելքը հաղթահարել է առաջին տեղով, իսկ Պորտուգալիան՝ որպես երկրորդ լավագույն արդյունք ցույց տված թիմ:
Օրեր անց Հայաստանի լողափնյա վոլեյբոլի հավաքականը կմեկնի Վրաստան՝ Թբիլիսիում մասնակցելու Եվրոպայի առաջնության արևելյան գոտու մրցումներին: Մյուս տարիքային թիմերն օգոստոսի սկզբին կմեկնեն Բելառուս՝ ԱՊՀ երկրորդ խաղերին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։