«Գովերլան» կարող է զրկվել Ուկրաինայի առաջնությունում խաղալու իրավունքից
15:22 5 նոյեմբերի, 2012Ուժգորոդի «Գովերլան» կարող է զրկվել ուկրաինական Պրեմյեր լիգայում մրցելույթները շարունակելու հնարավորությունից: «Գովերլայի» փոխնախագահ Ալեքսանդր Շուֆրիչը բաց նամակ է ուղարկել Ուկրաինայի ֆուտբոլի ֆեդերացիայի (ՈւՖՖ) նախագահ Անատոլի Կոնկովին:
Ուժգորոդի թիմի փոխնախագահն իր դժգոհությունն է հայտնել Ուկրաինայի առաջնության 6 խաղերի վերաբերյալ: Ըստ Շուֆրիչի՝ այդ խաղերում մրցավարների սխալ որոշումները «Գովերլայի» համար ոչ դրական արդյունքի պատճառ են հանդիսացել:
Եթե ՈւՖՖ-ն մերժի դիմումը եւ հետաքննություն չսկսի այդ հանդիպումների վերաբերյալ, «Գովերլան» խաղադաշտ դուրս չի գա նոյեմբերի 9-ին կայանալիք «Վորսկլայի» հետ խաղում: Այդ դեպքում թիմը կարող է զրկվել Ուկրաինայի Պրեմյեր լիգայում խաղալու իրավունքից, հայտնում է «Сегодня»-ն:
Հիշեցնենք, որ «Գովերլայի» կազմում հանդես են գալիս Հայաստանի ազգային հավաքականի հենակետային կիսապաշտպան Արթուր Եդիգարյանը եւ նախկին պաշտպան Եղիշե Մելիքյանը: 14-րդ տուրից հետո Ուժգորոդի թիմը 9 միավորով նախավերջին՝ 15-րդ տեղում է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.