Լուկաս Էրնանդեսը «Բավարիայից» տեղափոխվեց ՊՍԺ
18:09 9 հուլիսի, 2023Ֆրանսիայի հավաքականի 27-ամյա պաշտպան Լուկաս Էրնանդեսը Գերմանիայի չեմպիոն Մյունխենի «Բավարիայից» տեղափոխվեց Ֆրանսիայի չեմպիոն ՊՍԺ։ Փարիզյան ակումբն ու Լուկաս Էրնանդեսը կնքել են 5 տարվա պայմանագիր։
Լուկաս Էրնանդեսը 2019 թվականից էր հանդես գալիս «Բավարիայում»։ Transfermarkt-ը նրա տրանսֆերային արժեքը գնահատում է 45 միլիոն եվրո։
Անցած մրցաշրջանում Լուկաս Էրնանդեսը «Բավարիայի» կազմում մասնակցել է 11 հանդիպման, խփել 1 գոլ։ 2022թ․ նոյեմբեր-դեկտեմբերին Քաթարում անցկացված աշխարհի առաջնության խմբային փուլի առաջին տուրի Ֆրանսիա - Ավստրալիա խաղում (4:1) ստացած ծնկի վնասվածքի պատճառով նա բաց թողեց մրցաշրջանի մնացած մասը։
Ֆրանսիայի հավաքականի կազմում Լուկաս Էրնանդեսը դարձել է 2018թ․ աշխարհի չեմպիոն, 2021թ․ Ազգերի լիգայի գավաթակիր։ «Բավարիայի» կազմում նա դարձել է Գերմանիայի չեմպիոն եւ Չեմպիոնների լիգայի գավաթակիր, Մադրիդի «Աթլետիկոյի» հետ՝ Եվրոպայի լիգայի գավաթակիր։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.