Անգլիական «Մանչեսթեր Յունայթեդը» հրաժարվել է 116 միլիոն եվրո վճարել «Տոտենհեմի» եւ Անգլիայի հավաքականի 29-ամյա կենտրոնական հարձակվող Հարի Քեյնի համար, հաղորդում է Goal.com-ը։ Այդքան է պահանջել լոնդոնյան ակումբը ֆուտբոլիստի տրանսֆերի համար «Մանչեսթեր Յունայթեդից»։
Գերմանիայի չեմպիոն Մյունխենի «Բավարիան» եւս ցանկանում է ձեռք բերել Հարի Քեյնին եւ պատրաստ է նրա տրանսֆերի համար վճարել մինչեւ 100 միլիոն եվրո։
Հարի Քեյնի պայմանագիրը «Տոտենհեմի» հետ նախատեսված է մինչեւ հաջորդ մրցաշրջանի ավարտը։ Քիչ հավանական է, որ Հարի Քեյնը կերկարաձգի պայմանագիրը։ Ֆուտբոլիստը ցանկություն չի հայտնել այս ամռանը թիմից հեռանալու վերաբերյալ։
Անգլիայի ավարտված առաջնությունում Հարի Քեյնը մասնակցել է 38 հանդիպման, խփել 30 գոլ։
Transfermarkt-ը Հարի Քեյնի տրանսֆերային արժեքը գնահատում է 90 միլիոն եվրո։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։