Մեսին՝ Ֆրանսիայի առաջնության լավագույն օտարերկրացի խաղացող

Աշխարհի չեմպիոն Արգենտինայի հավաքականի 36-ամյա հարձակվող Լիոնել Մեսին ճանաչվել է Ֆրանսիայի ավարտված առաջնության լավագույն օտարերկրացի խաղացող, հաղորդում է առաջնության մամուլի ծառայությունը։ Մեսին ՊՍԺ-ի հետ դարձել էր Ֆրանսիայի չեմպիոն։

Նա հեռացել է փարիզյան ակումբից եւ կարիերան կշարունակի ամերիկյան «Ինտեր Մայամիում»։

Մեսին Ֆրանսիայի ավարտված առաջնությունում մասնակցել էր 32 հանդիպման, խփել 16 գոլ, կատարել 16 գոլային փոխանցում։

Առաջնության լավագույն խաղացող էր ճանաչվել ՊՍԺ-ի 24-ամյա ֆրանսիացի հարձակվող Կիլիան Մբապեն, որը 34 խաղում խփել էր 29 գոլ, կատարել 5 գոլային փոխանցում։