ԵԽ․ Նարեկ Խաչիկյանը կիսաեզրափակիչում է
23:12 25 հունիսի, 2023Լեհաստանում անցկացվող Եվրոպական խաղերի ծրագրով մուայթայի մրցաշարում Հայաստանն ապահովել է առնվազն բրոնզե մեդալ:
Հունիսի 25-ին պայքարի մեջ մտած Հայաստանի 4 ներկայացուցիչներից հաղթանակ է տարել միայն Նարեկ Խաչիկյանը: Մինչեւ 60 կգ քաշայինների մեկնարկային քառորդ եզրափակիչում Նարեկ Խաչիկյանը հաղթել է գերմանացի Ֆիլիպ Լեոն Բալբաչին եւ դուրս եկել կիսաեզրափակիչ, ապահովելով առնվազն բրոնզե մեդալ:
Կիսաերզաակիչում Խաչիկյանի մրցակիցը կլինի Բելգիայի ներկայացուցիչ Ջիանի դե Լյուն: Կիսաեզրափակիչը տեղի կունենա հունիսի 27-ին:
Հայաստանի հավաքականի մյուս ներկայացուցիչներ Գոռ Սարգսյանը, Արմեն Գրիգորյանը եւ Լյուաի Տեր-Դավթյանը պարտություններ են կրել եւ լքել պայքարը:
Եվրոպական խաղերում Հայաստանն արդեն նվաճել է երեք մեդալ հրաձգությունից, կարատեից եւ շախմատից: Հրաձգության 10 մետր օդամղիչ ատրճանակ միքս մրցաձեւում Էլմիրա Կարապետյան - Բենիկ Խլղաթյանը զույգը թիմային պայքարում երկրորդ տեղն է զբաղեցրել, նաեւ 581 միավորով գրանցել Եվրոպական խաղերի ռեկորդ:
Կարատեում Անիտա Մակյանը մինչեւ 68 կգ քաշայինների պայքարում դարձել է բրոնզե մեդալակիր: Երկու հաղթանակ տանելուց հետո նա կիսաեզրափակիչում 0:4 հաշվով պարտվել էր Շվեյցարիայի ներկայացուցիչ Ելենա Նորինային:
Շախմատի Հայաստանի թիմը նվաճել է Կրակով քաղաքում անցկացված կայծակնային շախմատի Եվրոպայի զույգ առաջնության չեմպիոնի տիտղոսը: Հայաստանի թիմում էին Շանթ Սարգսյանը և Էլինա Դանիելյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.