Գեմանիան ներկայացնող 23-ամյա բռնցքամարտիկ Դավիթ Գրաֆը (Վահագն Սահակյան) 9-րդ հաղթանակն է տարել պրոֆեսիոնալ ռինգում:
Գերմանիայի Հոլ Ուեստֆոլեն քաղաքի «Գերրի Ուեբեր» մարզապալատում կայացած մենամատում ծանրքաշային բռնցքամատիկ, գերմանական «Զաուերլանդ» ակումբի սան Դավիթ Գրաֆը միավորներով առավելության է հասել ֆրանսիացի Բլանշաղ Կալամբայի նկատմամբ:
Մենամարտն անցել է Գրաֆի նկատելի առավելությամբ: Չորրորդ ռաունդում նա ունքի պատռվածք է ստացել, սակայն շարունակել է մենամարտը՝ տանելով վստահ հաղթանակ:
Սա Գրաֆի 9-րդ մենամարտն էր պրոֆեսիոնալ ռինգում: Մինչեւ այս նա անցկացրել էր ութ մրցամարտ` տանելով նույնքան հաղթանակ (6 նոկաուտ): Հունգարացի Վիկտոր Ֆալահի հետ մենամարտում Դավիթից 1 րոպե 30 վայրկյան էր պահանջվել մրցակցին նոկաուտի ենթարկելու համար: Գրաֆի Մենամարտերից մեկը աշխարհում եղել է ամենաարագը` նոկաուտ 3 վայրկյանում: Այս տարի Դավիթ Գրաֆը եւս մեկ մենամարտ կանցկացնի:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։