ԵԽ․ Հայաստանի թիմը գրավել է առաջին տեղը՝ հետ թողնելով ադրբեջանցիներին
15:58 22 հունիսի, 2023Լեհաստանում անցկացվող Եվրոպական խաղերում երրորդ դիվիզիոնի թիմային մրցաշարում պայքարը շարունակում են աթլետները։ Հայաստանի թիմից հունիսի 22-ին մեկնարկ են դուրս եկել 7 աթլետներ եւ փոխանցումավազքի քառյակը։
4x400 մետր խառը (կին, տղամարդ) փոխանցավազքում Հայաստանի թիմը 3։29.99 արդյունքով առաջինն է երկրորդ խմբում՝ 3 վայրկյանով հետ թողնելով Ադրբեջանի թիմին, որ այս խմբում երկրորդ տեղն է զբաղեցրել։
Գայանե Չիլոյանը կանանց 200 մետր վազքում 24.36 արդյունքով 4-րդ տեղն է զբաղեցրել։ Հեռացատկորդ Յանա Սարգսյանը 5.99 արդյունքով 3-րդն է, Էլլադա Ալավերդյանը խոչընդոտավազքում 11։02.54 արդյունքով՝ 6-րդը, Մարի Սարգսյանն էլ 1500 մետր վազք մրցաձեւում ցույց է տվել 11-րդ արդյունքը (4։54.92):
Տղամարդկանց պայքարում Դավիթ Սարսգյանը 200 մետր վազքի Բ խմբում 5-րդն է 23.11 արդյունքով, Երվանդ Մկրտչյանը 5000 մետր վազքում զբաղեցրել է 5-րդ տեղը։ Նա ցույց է տվել 14։23.92 արդյունք։
Եվրոպական խաղերի երրորդ մրցումային օրը Հայաստանի թիմից պայքարը սկսել են հրաձիգները։ Տղամարդկանց 10 մետր օդամղիչ ատրճանակ մրցաձեւում Բենիկ Ավետիսյանը վաստակել է 573 միավոր (92,95,98, 95,96,97): 36 մասնակիցների մեջ Հայաստանի ներկայացուցիչը 20-րդն է։ Որակավորման փուլը հաղթահարում են լավագույն 8-ը։
Քիչ անց պայքարը կսկսի Հայաստանի առաջատար հրաձիգ, Փարիզ-2024 օլիմպիական ուղեգիր նվաճած Էլմիրա Կարապետյանը, որը կմրցի 10 մետր օդամղիչ ատրճանակ մրցաձեւում։
Հիշեցնենք, որ Եվրոպական երրորդ խաղերը օլիմպիական վարկանիշային են հրաձիգների համար։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.