Mundo Deportivo. Իլկայ Գյունդոգանը պայմանագիր է կնքել «Բարսելոնայի» հետ
10:44 22 հունիսի, 2023Գերմանիայի հավաքականի կիսապաշտպան Իլկայ Գյունդոգանը երկու տարվա պայմանագիր է կնքել Իսպանիայի չեմպիոն «Բարսելոնայի» հետ, հաղորդում է Mundo Deportivo-ն։
32-ամյա ֆուտբոլիստը Մյունխենում բուժզննում է անցել կատալոնական ակումբի համար եւ հանդիպում ունեցել «Բարսելոնայի» մարզական տնօրեն Մատեու Ալեմանիի հետ։ Պայմանագրով նախատեսված է, որ եթե երկրորդ մրցաշրջանում Գյունդոգանը իսպանացի Չավիի գլխավորած թիմում անցկացնի հանդիպումների 60 տոկոսը, պայմանագիրը կերկարաձգվի եւս մեկ տարով։
Տեղափոխության մասին պաշտոնական հայտարարություն դեռ չի արվում, քանի Գյունդոգանը ցանկանում է «Մանչեսթեր Սիթիի» ստադիոնում հրաժեշտ տալ ակումբի երկրպագուներին։
Գյունդոգանի պայմանագիրը «Մանչեսթեր Սիթիի» հետ կավարտվի հունիսի 30-ին, եւ նա անվճար կմիանա «Բարսելոնային»։ Transfermarkt-ը նրա տրանսֆերային արժեքը գնահատում է 20 միլիոն եվրո։
Գյունդոգանը 2016-ին Դորտմունդի «Բորուսիայից» է տեղափոխվել «Մանչեսթեր Սիթի» 30 միլիոն եվրոյով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.