ՉԼ․ «Մանչեսթեր Սիթին» ու «Ինտերն» առաջին խաղակեսում գոլ չխփեցին (ֆոտո)

23:47   10 հունիսի, 2023

Անգլիայի չեմպիոն եւ գավաթակիր «Մանչեսթեր Սիթին» ու Իտալիայի գավաթակիր ու սուպերգավաթակիր Միլանի «Ինտերը» Ստամբուլում ընթացող եզրափակիչում վիճարկում են Չեմպիոնների լիգայի գավաթը։

Առաջին խաղակեսում գոլ չգրանցվեց՝ 0:0:

Գրեթե հավասար պայքարում ընթացող դիմակայությունում որոշակի առավելություն ունի «Մանչեսթեր Սիթին»։ Կատալոնացի Խոսեպ Գվարդիոլայի գլխավորած թիմը 59 տոկոս գնդակի վերահսկողություն ունի, 2 հարված է կատարել «Ինտերի» դարպասին, սակայն վստահ խաղ է ցուցադրում կամերունցի դարպասապահ Անդրե Օնանան, որը հետ մղեց նորվեգացի հարձակվող Էրլինգ Հոլանդի եւ բելգիացի կիսապաշտպան Կեւին Դե Բրույնեի հարվածները։

30-րդ րոպեին վնասվածք ստացավ Կեւին Դե Բրույնեն, որին փոխարինեց անգլիացի կիսապաշտպան Ֆիլ Ֆոդենը։

«Ինտերի» կիսապաշտպան Հենրիխ Մխիթարյանը պահեստայինների թվում է։

Ընդմիջում է։ 

«Ինտերը» 3 անգամ է նվաճել Չեմպիոնների լիգայի գավաթը, նախորդ անգամ՝ 2010 թվականին պորտուգալացի Ժոզե Մոուրինյոյի գլխավորությամբ։ «Մանչեսթեր Սիթին» այս տիտղոսը դեռ չի նվաճել։

Մեկնարկային կազմեր

«Մանչեսթեր Սիթի» (4-1-4-1)․ Էդերսոն, Ակե, Սթոունզ, Դիաշ, Ականջի, Ռոդրի, Բերնարդու Սիլվա, Դե Բրույնե, Գյունդոգան, Գրիլիշ, Հոլանդ։

«Ինտեր» (3-5-2)․ Օնանա, Դարմիան, Աչերբի, Բաստոնի, Դյումֆրիս, Բարելա, Բրոզովիչ, Չալհանօղլու, Դիմարկո, Ջեկո, Մարտինես։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։