Իսպանիայի չեմպիոն «Բարսելոնայի» իսպանացի գլխավոր մարզիչ Չավին ակումբի ղեկավարությանը ներկայացրել է ֆինանսական պահանջներ։ Նա ցանկանում է, որ իր եւ մարզչական շտաբի անդամների ընդհանուր աշխատավարձը հարկերի վճարումից հետո կազմի 12 միլիոն եվրո, հաղորդում է AS-ը։
Կողմերը մի քանի շաբաթ քննարկում են նոր պայմանագրերը եւ չեն հասնում համաձայնության ֆինանսական տեսանկյունից։
Լարվածություն է առաջացել Չավիի եւ կատալոնական ակումբի ղեկավարության միջեւ նաեւ աշխարհի չեմպիոն Արգենտինայի հավաքականի 35-ամյա հարձակվող Լիոնել Մեսիի վերադարձի ձախողման պատճառով։ Չավիի կարծիքով՝ ակումբի ղեկավարությունը քիչ ջանք է գործադրել այդ ուղղությամբ։ Մեսին կարիերան կշարունակի ամերիկյան «Ինտեր Մայամիում»։ Չավին ցանկանում էր իր ղեկավարած թիմում տեսնել Մեսիին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։