«Ռոլան Գարոս»․ Էլինա Ավանեսյանը պարտվեց 1/8 եզրափակիչում

18:54   4 հունիսի, 2023

Աշխարհի 134-րդ ռակետ, ռուսաստանցի Էլինա Ավանեսյանը չկարողացավ դուրս գալ Ֆրանսիայի բաց առաջնության քառորդ եզրափակիչ։

Հայ թենիսիստուհին 1/8 եզրափակիչում մրցեց աշխարհի 43-րդ ռակետ, չեխ Կարոլինա Մուխովայի հետ եւ պարտություն կրեց երկու սեթում՝ 4:6, 3:6։ Մրցախաղը տեւեց 1 ժամ եւ 36 րոպե։

20-ամյա Ավանեսյանն առաջին անգամ հաղթանակներ տարավ «Մեծ սաղավարտի» մրցաշարում։

Մուխովայի հաջորդ մրցակիցը կլինի ռուսաստանցի Անաստասիա Պավլյուչենկովան։

«Ռոլան Գարոսի» մրցանակային հիմնադրամը 49,6 միլիոն եվրո է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։