Լուչեսկու. Ինձ համար անակնկալ չի լինի, եթե Տեյշեյրան շրջանցի Մխիթարյանին
09:13 3 նոյեմբերի, 2012Ինձ համար անակնկալ չէ, որ Ալեքս Տեյշեյրան արդյունավետության ցուցանիշով մոտենում է Հենրիխ Մխիթարյանին, հայտարարել է Դոնեցկի «Շախտյորի» գլխավոր մարզիչ Միրչա Լուչեսկուն: Ռումինացի մասնագետը Զապորոժյեի «Մետալուրգի» հետ խաղից առաջ կիսավել է տպավորություններով:
«Դիտել եմ «Մետալուրգի» նախորդ երկու խաղերը: Զապորոժյեի թիմը շատ է սպասել այս խաղին եւ վաղը կփորձի փոխել իր մասին ստեղծված կարծիքը: Սակայն մենք արդեն մտածում ենք «Չելսիի» հետ խաղի մասին: Լոնդոնի խաղին նախապատրաստվողները հնարավոր է չմասնակցեն այս հանդիպմանը: Ինչ վերաբերվում է Ալեքս Տեյշեյրայի առաջընթացին, ասեմ, որ դա նորմալ է եւ ինձ համար անակնկալ չէ, որ նա մոտենում է Հենրիխ Մխիթարյանի ցուցանիշին: Նա միշտ բարձր մակարդակով է աշխատում մարզումների ժամանակ եւ արդյունքը չի ուշանում»,- Լուչեսկուի խոսքը փոխանցում է «Շախտյորի» պաշտոնական կայքը:
«Շախտյոր» - «Մետալուրգ» խաղը կկայանա նոյեմբերի 3-ին: Հենրիխ Մխիթարյանը չի մասնակցի խաղին, քանի որ հոկտեմբերի 27-ին կայացած «Տավրիայի» հետ հանդիպման ժամանակ իր չորրորդ դեղին քարտը ստացավ ընթացիկ առաջնությունում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։