Էլինա Ավանեսյան․ Ես դեռ փորձում եմ գիտակցել, թե ինչ եմ արել

12:12   1 հունիսի, 2023

Աշխարհի 134-րդ ռակետ, 20-ամյա ռուսաստանցի Էլինա Ավանեսյանը մեկնաբանել է 6:0, 7:5 հաշվով հաղթանակը աշխարհի 124-րդ ռակետ, ֆրանսիացի Լեոլյա Ժանժանի նկատմամբ Ֆրանսիայի բաց առաջնության երկրորդ շրջանում։ Էլինա Ավանեսյանն առաջին անգամ է «Մեծ սաղավարտի» մրցաշարի հիմնական փուլում հաղթանակների հասնում։

«Ես դեռ փորձում եմ գիտակցել, թե ինչ եմ արել։ Շատ ուրախ եմ լինել այս մրցաշարում։ Սովորականի նման, արեցի առավելագույնը, այլ հարց է, որ ոչ միշտ է դա բերում հաղթանակի։ Այս անգամ ես արեցի հնարավոր ամեն ինչ եւ իմ շանսը բաց չթողեցի։

Շատ եմ հավանում խաղալ «Ռոլան Գարոսում», շատ եմ հավանում Փարիզը։ Հույս ունեմ, որ երկու օրից կվերադառնամ կորտ եւ կհաղթեմ»,- Էլինա Ավանեսյանի խոսքը մեջբերում է մրցաշարի մամուլի ծառայությունը։

Երրորդ շրջանում Էլինա Ավանեսյանի մրցակիցը կլինի աշխարհի 127-րդ ռակետ, դանիացի Կլարա Թաուսոնը։ Այդ մրցախաղը տեղի կունենա հունիսի 2-ին եւ կմեկնարկի Երեւանի ժամանակով 13:00-ին։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.