Հայաստանի հավաքականի հարձակվող Հրանտ-Լեոն Ռանոսը պայմանագիր է կնքել Մյոնխենգլադբախի «Բորուսիայի» հետ, հաղորդում է գերմանական ակումբի մամուլի ծառայությունը։
Նա ազատ գործակալի կարգավիճակում է միացել «Բորուսիային»։ 19-ամյա ֆուտբոլիստի պայմանագիրը նախատեսված է մինչեւ 2027թ․ հունիս։ Հրանտ-Լեոն Ռանոսի նախորդ թիմը Մյունխենի «Բավարիայի» երկրորդ թիմն էր, որը հանդես է գալիս Ռեգիոնալ լիգայում։
Ընթացիկ մրցաշրջանում Հրանտ-Լեոն Ռանոսը «Բավարիայի» երկրորդ թիմում խփել է 20 գոլ, կատարել է 13 գոլային փոխանցում։
Հրանտ-Լեոն Ռանոսը նորամուտը Հայաստանի հավաքականում նշել է այս տարվա մարտին՝ մասնակցելով Կիպրոսի դեմ ընկերական խաղին եւ խփելով երկու գոլ։
Մյոնխենգլադբախի «Բորուսիան» Գերմանիայի առաջնության վերջին տուրից առաջ 40 միավորով 11-րդ տեղում է եւ հանդես չի գա եվրագավաթային մրցաշարերում։
in 2022/23 for FC Bayern II
— Gladbach (@borussia_en) May 24, 2023
goals
assists pic.twitter.com/nGKlx7NRcS
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։