Իտալիայի առաջնության 36-րդ տուրում «Ռոման» ընդունեց «Սալերնիտանային»։ Պորտուգալացի Ժոզե Մոուրինյոյի գլխավորած թիմը բավարարվեց ոչ ոքի արդյունքով՝ 2:2:
Առաջինը հաջողության հասան հյուրերը։ 12-րդ րոպեին աչքի ընկավ իտալացի կիսապաշտպան Անտոնիո Կանդրեւան։ 47-րդ րոպեին «Ռոմայի» պատասխան գոլը խփեց իտալացի հարձակվող Ստեֆան Էլ-Շաարավին։
54-րդ րոպեին «Սալերնիտանային» առաջ մղեց սենեգալցի հարձակվող Բուլայե Դիան։ Հռոմեական թիմը պարտությունից խուսափեց 83-րդ րոպեին սերբ կիսապաշտպան Նեմանյա Մատիչի խփած գոլի շնորհիվ։
«Ռոման» 59 միավորով 7-րդն է եւ 1 միավոր հետ է 6-րդ տեղում գտնվող «Ատալանտայից»։ «Սալերնիտանան» 39 միավորով 15-րդն է։
Իտալիայի առաջնություն, 36-րդ տուր
«Ռոմա» - «Սալերնիտանա»՝ 2:2 (տեսանյութ)
Ստեֆան Էլ-Շաարավի, 47, Նեմանյա Մատիչ, 83 - Անտոնիո Կանդրեւա, 12, Բուլայե Դիա, 54
«Էմպոլի» - «Յուվենտուս»՝ 22:45 (Երեւանի ժամանակ)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։