Վլադիմիր Բեսչաստնիխ. Յուրա Մովսիսյանը բարձրակարգ հարձակվող է
15:55 2 նոյեմբերի, 2012Յուրա Մովսիսյանը, միանշանակ, բարձրակարգ հարձակվող է, հայտարարել է ֆուտբոլի Ռուսաստանի ազգային հավաքականի բոլոր ժամանակների լավագույն ռմբարկու Վլադիմիր Բեսչաստնիխը: Ռուս հարձակվողը կարծիք է հայտնել Ռուսաստանի ընթացիկ առաջնության լավագույն ռմբարկուներ՝ Յուրա Մովսիսյանի, Ալեքսանդր Կերժակովի եւ Դանիլո Նեկոյի դիմակայության մասին:
«Երեք հարձակվողներն էլ լավն են յուրովի, թեեւ ես այնքան էլ ծանոթ չեմ Նեկոյի խաղին: Իսկ Մովսիսյանը, միանշանակ, բարձրակարգ հարձակվող է: Գոլային պահերի մեծ մասը նա ինքն է ստեղծում եւ ինքն էլ եզրափակում է դրանք: Դա շատ կարեւոր որակ է հարձակվողի համար: Այնուամենայնիվ, Կերժակովն ավելի լավ հնարավորություններ ունի: Նրա թիմը գերազանցում է մրցակիցիների ակումբներին: Բացի այդ, նա իսկական ռմբարկու է»,- Բեսչաստնիխի խոսքը փոխանցում է «Սպորտ Էքսպրեսը»:
Հիշեցնենք, որ Մովսիսյանը, Նեկոն եւ Կերժակովը 9-ական գնդակ են խփել Ռուսաստանի ընթացիկ առաջնությունում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.