«Մանչեսթեր Սիթին» 3 տարում երկրորդ անգամ դուրս եկավ ՉԼ-ի եզրափակիչ

Անգլիայի չեմպիոն «Մանչեսթեր Սիթին» երեք տարում երկրորդ անգամ դուրս եկավ Չեմպիոնների լիգայի եզրափակիչ։ Կիսաեզրափակիչում կատալոնացի Խոսեպ Գվարդիոլայի գլխավորած թիմը հաղթահարեց գլխավոր եվրագավաթային մրցաշարի անցած տարվա հաղթող Մադրիդի «Ռեալին» (1:1, 4:0)։

2021 թվականին «Մանչեսթեր Սիթին» առաջին անգամ էր դուրս եկել եզրափակիչ եւ 0:1 հաշվով պարտվել Լոնդոնի «Չելսիին»։

Հունիսի 10-ին Ստամբուլում անցկացվելիք եզրափակիչում «Մանչեսթեր Սիթիի» մրցակիցը կլինի Իտալիայի փոխչեմպիոն «Ինտերը», որը կիսաեզրափակիչում պայքարից դուրս էր թողել Իտալիայի անցած տարվա չեմպիոն «Միլանին» (2:0, 1:0)։