Շումախերը կարող է մնալ «Մերսեդեսում»

Հնարավոր է՝ կշարունակեմ աշխատել «Մերսեդեսում», հայտարարել է ֆորմուլա-1-ի յոթակի չեմպիոն, «Մերսեդես» թիմի գերմանացի ավտոարշավորդ Միխայել Շումախերը, ով ընթացիկ մրցաշրջանի վերջում կավարտի կարիերան:

«Հնարավոր է, որ ես կշարունակեմ աշխատել «Մերսեդեսում»: Մրցաշրջանի վերջում թիմի հետ կմտածենք՝ պե՞տք է շարունակենք համագործակությունը, թե՝ ոչ: Ավտոարշավներն ինձ շատ բան են տվել, սակայն չեմ կարծում, որ շատ կկարոտեմ ֆորմուլա-1-ը, այլապես կշարունակեի կարիերաս: Ուրախ եմ, որ ազատ ժամանակ ունեմ եւ կարող եմ մտածել, թե ինչով պետք է զբաղվեմ»,- Շումախերի խոսքը փոխանցում է f1news.ru-ն:

Հիշեցնենք, որ Միխայիլ Շումախերը 155 անգամ հաղթել է Գրան պրիներում։ Նրա պայմանագիրը «Մերսեդեսի» հետ ավարտվում է այս տարի։