ՊՍԺ-ի հաղթանակը՝ 3:1 (տեսանյութ)
00:36 8 մայիսի, 2023Ֆրանսիայի առաջնության 34-րդ տուրում չեմպիոն ՊՍԺ-ն հյուրընկալվեց «Տրուային»։ Ֆրանսիացի Կրիստոֆ Գալտիեի գլխավորած թիմը հաղթեց 3:1 հաշվով։
Արդեն 8-րդ րոպեին խաղի հաշիվը բացեց ֆրանսիացի հարձակվող Կիլիան Մբապեն։ 59-րդ րոպեին հյուրերի առավելությունը կրկնապատկեց պորտուգալացի կիսապաշտպան Վիտինյան։
83-րդ րոպեին հաշվի տարբերությունը կրճատեց «Տրուայի» ֆրանսիացի կիսապաշտպան Կսավիե Շավալերենը, սակայն 3 րոպե անց ՊՍԺ-ն վերականգնեց երկու գոլի առավելությունը։ Աչքի ընկավ իսպանացի կիսապաշտպան Ֆաբիան Ռուիսը։
ՊՍԺ-ն 78 միավորով գլխավորում է մրցաշարային աղյուսակը եւ 6 միավոր առաջ է երկրորդ տեղում գտնվող «Լանսից»։ «Տրուան» նախավերջինն է՝ 22 միավոր։
Աշխարհի չեմպիոն Արգենտինայի հավաքականի 35-ամյա հարձակվող Լիոնել Մեսին առանց ակումբի թույլտվության Սաուդյան Արաբիա գործնական այցելություն կատարելու համար պատժված է եւ բացակայում էր հայտացուցակից։
Ֆրանսիայի առաջնություն, 34-րդ տուր
«Տրուա» - ՊՍԺ՝ 1:3 (տեսանյութ)
Կսավիե Շավալերեն, 83 - Կիլիան Մբապե, 8, Վիտինյա, 59, Ֆաբիան Ռուիս, 86
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։