Մադրիդ․ Ալկարասը պաշտպանեց տիտղոսը

Աշխարհի երկրորդ ռակետ Կառլո Ալկարասը պաշտպանեց Մադրիդի «Մասթերս» մրցաշարի հաղթողի տիտղոսը։ Եզրափակիչում իսպանացի թենիսիստը մրցեց աշխարհի 65-րդ ռակետ, գերմանացի Յան-Լենարդ Շտրուֆի հետ։

Ալկարասն առավելության հասավ երեք սեթում՝ 6:4, 3:6, 6:3։ Պայքարը տեւեց 2 ժամ եւ 27 րոպե։

Մադրիդի «Մասթերսի» մրցանակային հիմնադրամը 7,7 միլիոն եվրո էր։ Ալկարասը կստանա 1,1 միլիոն եվրո։

20-ամյա Ալկարասը 10-րդ տիտղոսը նվաճեց ATP  մրցաշարերում։

Իսպանացի Ռաֆայել Նադալից (2013, 2014) հետո Ալկարասը դարձավ երկրորդը, ում հաջողվեց երկու տարի անընդմեջ հաղթել այս մրցաշարում։

Fantastic final!

The defending champion @carlosalcaraz secures the opener 6-4 over Struff. pic.twitter.com/0Vgp33Pd4P

— ATP Tour (@atptour) May 7, 2023