«Մանչեսթեր Սիթիի» եւ «Լիվերպուլի» հաղթանակները (տեսանյութ)
01:06 4 մայիսի, 2023Անգլիայի առաջնության 28-րդ տուրից տեղափոխված խաղում չեմպիոն «Մանչեսթեր Սիթին» տանը մրցեց Լոնդոնի «Վեստ Հեմի» հետ։ Կատալոնացի Խոսեպ Գվարդիոլայի գլխավորած թիմը հաղթեց 3:0 հաշվով։
Գոլերը խփեցին հոլանդացի պաշտպան Նաթան Ակեն, նորվեգացի հարձակվող Էրլինգ Հոլանդը եւ անգլիացի կիսապաշտպան Ֆիլ Ֆոդենը։
Հոլանդը 35 գոլով դարձավ Պրեմիեր լիգայի ռեկորդակիրը մեկ մրցաշրջանում խփած գոլերի քանակով։
33 խաղից հետո «Մանչեսթեր Սիթին» 79 միավորով գլխավորում է մրցաշարային աղյուսակը եւ 1 միավոր առաջ է երկրորդ տեղում գտնվող Լոնդոնի «Արսենալից», որն անցկացրել է 34 հանդիպում։ «Վեստ Հեմը» 15-րդն է՝ 34 միավոր։
Փոխչեմպիոն «Լիվերպուլն» ընդունեց «Ֆուլհեմին»։ Գերմանացի Յուրգեն Կլոպի գլխավորած թիմն առավելության հասավ նվազագույն հաշվով։ Միակ գոլը 11-մետրանոցից խփեց եգիպտացի հարձակվող Մոհամեդ Սալահը։
«Լիվերպուլը» 59 միավորով 5-րդն է, «Ֆուլհեմը» 10-րդն է՝ 45 միավոր։
Անգլիայի առաջնություն, 28-րդ տուրից տեղափոխված հանդիպումներ
«Մանչեսթեր Սիթի» - «Վեստ Հեմ»՝ 3:0 (տեսանյութ)
Նաթան Ակե, 50, Էրլինգ Հոլանդ, 70, Ֆիլ Ֆոդեն, 85
«Լիվերպուլ» - «Ֆուլհեմ»՝ 1:0 (տեսանյութ)
Մոհամեդ Սալահ, 39, 11մ
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.