Ֆրանսիայի առաջնության 33-րդ տուրում չեմպիոն ՊՍԺ-ն սեփական խաղադաշտում մրցեց «Լորիանի» հետ։ Ֆրանսիացի Կրիստոֆ Գալտիեի գլխավորած թիմը պարտություն կրեց 1:3 հաշվով։
15-րդ րոպեին հյուրերի կազմում խաղի հաշիվը բացեց ֆրանսիացի կիսապաշտպան Էնցո Լե Ֆեն։
20-րդ րոպեին երկրորդ դեղին քարտի համար հեռացվեց փարիզյան թիմի մարոկկացի պաշտպան Աշրաֆ Հակիմին։
29-րդ րոպեին զավեշտալի գոլի հեղինակ դարձավ ՊՍԺ-ի ֆրանսիացի հարձակվող Կիլիան Մբապեն։
39-րդ րոպեին հյուրերին հաշվի մեջ առաջ մղեց կամերունցի պաշտպան Դարլին Յոնգվայի գոլը։ «Լորիանի» երրորդ գոլը 88-րդ րոպեին խփեց սենեգալցի հարձակվող Մամբա Դիենգը։
ՊՍԺ-ն 75 միավորով գլխավորում է մրցաշարային աղյուսակը եւ 8 միավոր առաջ է երկրորդ տեղում գտնվող «Մարսելից», որը մեկ խաղ քիչ է անցկացրել։ «Լորիանը» 10-րդն է՝ 48 միավոր։
Ֆրանսիայի առաջնություն, 33-րդ տուր
ՊՍԺ - «Լորիան»՝ 1:3 (տեսանյութ)
Կիլիան Մբապե, 29 - Էնցո Լե Ֆե, 15, Դարլին Յոնգվա, 39, Մամբա Դիենգ, 88
Հեռացում՝ Աշրաֆ Հակիմի (ՊՍԺ), 20, երկրորդ դեղին քարտ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։