Երեւանի Կարեն Դեմիրճյանի անվան մարզահամերգային համալիրում տեղի ունեցավ ծանրամարտի +109 կգ քաշային կարգում Եվրոպայի չեմպիոնի եւ մեդալակիրների պարգեւատրման արարողությունը (տեսանյութ):
+109 կգ քաշային կարգում Հայաստանի երկու ներկայացուցիչներ Վարազդատ Լալայանն ու Սիմոն Մարտիրոսյանը պարգեւատրվեցին երկամարտի արծաթե եւ բրոնզե մեդալներով:
Վարազդատ Լալայանը երկամարտի 462 կգ արդյունքով (212+250) դարձավ Եվրոպայի կրկնակի փոխչեմպիոն: Նա նաեւ պարգեւատրվեց պոկում եւ հրում վարժությունների փոքր արծաթե մեդալներով:
Սիմոն Մարտիրոսյանը երկամարտի 440 կգ արդյունքով (195+245) բրոնզե մեդալակիր է: Նա պարգեւատրվեց նաեւ առանձին վարժությունների երկու փոքր բրոնզե մեդալներով:
Այս քաշային կարգում 7-րդ անգամ Եվրոպայի չեմպիոնի տիտղոսը նվաճեց վրացի Լաշա Տալախաձեն: Նա երկամարտում գրանցեց 474 կգ արդյունք (222+252):
Գերծանր քաշայինների պայքարն անցավ լեփ-լեցուն տրիբունաներով: Երկրպագուները հայ ծանրորդների մոտեցումներն ուղեկցեցին մեծ աջակցությամբ, վանկարկումներով եւ ցնծությամբ:
Եվրոպայի չեմպիոնին եւ մեդալակիրներին պարգեւատրեց Հայաստանի նախագահ Վահագն Խաչատրյանը:
Լուսինե Շահբազյան
Ֆոտո՝ Էմմա Ասատրյանի
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։