«Աթլետիկոն» հաղթեց եւ 2 միավոր է հետ «Ռեալից» (տեսանյութ)
00:50 10 ապրիլի, 2023Իսպանիայի առաջնության 28-րդ տուրի արտագնա խաղում Մադրիդի «Աթլետիկոն» մրցեց «Ռայո Վալիեկանոյի» հետ։ Արգենտինացի Դիեգո Սիմեոնեի ղեկավարած թիմը հաղթեց 2:1 հաշվով։
22-րդ րոպեին աչքի ընկավ արգենտինացի պաշտպան Նաուել Մոլինան, 25-րդ րոպեին հյուրերի առավելությունը կրկնապատկեց իսպանացի պաշտպան Մարիո Էրմոսոն։
63-րդ րոպեին հեռացվեց «Ռայո Վալիեկանոյի» ֆրանսիացի պաշտպան Ֆլորիան Լեժյոնը։ 85-րդ րոպեին դաշտի տերերից հաշվի տարբերությունը կրճատեց իսպանացի պաշտպան Ֆրանսիսկո Գարսիան։
«Աթլետիկոն» 57 միավորով երրորդն է եւ 2 միավոր է հետ երկրորդ տեղում գտնվող Մադրիդի «Ռեալից»։ «Ռայո Վալիեկանոն» 9-րդն է՝ 37 միավոր։
Իսպանիայի առաջնություն, 28-րդ տուր
«Ռայո Վալիեկանո» - «Աթլետիկո Մադրիդ»՝ 1:2 (տեսանյութ)
Ֆրանսիսկո Գարսիա, 85 - Նաուել Մոլինա, 22, Մարիո Էրմոսո, 25
Հեռացում՝ Ֆլորիան Լեժյոն («Ռայո Վալիեկանո»), 63
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.