Անգլիական «Մանչեսթեր Յունայթեդը», «Լիվերպուլը» եւ «Տոտենհեմը» ամռանը կպայքարեն Իտալիայի առաջնության առաջատար «Նապոլիի» 26-ամյա հարավկորեացի պաշտպան Կիմ Մին Ջեի տրանսֆերի համար, հաղորդում է բրիտանական Daily Mail-ը։
Այս ակումբները պատրաստ են վճարել Կիմ Մին Ջեի հրաժարագինը՝ 40 միլիոն ֆունտ ստերլինգ։ Նրա ծառայություններով հետաքրքրված է նաեւ Ֆրանսիայի չեմպիոն Փարիզի ՊՍԺ-ն։
«Նապոլին» Կիմ Մին Ջեի համար անցած ամռանը թուրքական «Ֆեներբահչեին» վճարել է 18 միլիոն եվրո։ Նրա պայմանագիրը նեապոլյան ակումբի հետ նախատեսված է մինչեւ 2025թ․ հունիս։
Ընթացիկ մրցաշրջանում Կիմ Մին Ջեն «Նապոլիի» հետ բոլոր մրցաշարերում մասնակցել է 36 հանդիպման, խփել է 2 գոլ, կատարել 1 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։