Հայաստանի թիմը երկրորդ ոսկե մեդալը նվաճեց սպորտային մարմնամարզության աշխարհի երիտասարդական առաջնությունում:
15-ամյա Համլետ Մանուկյանը կրկնակի աշխարհի չեմպիոն հռչակվեց: Անթալիայում անցկացվող սպորտային մարմնամարզության երիտասարդների երկրորդ աշխարհի առաջնությունում ( 17 տարին լրացած) օղակների վարժության եզրափակիչում Համելտ Մանուկյանը 13.633 միավորով դարձավ ոսկե մեդալակիր։
Էրիկ Բաղդասարյանը գրանցեց 13.400 միավոր եւ զբաղեցրեց 4-րդ տեղը:
Ավելի վաղ Անթալիայում Հայաստանը երկու մեդալ էր նվաճել նժույգ թափեր վարժությունում: 15-ամյա Համլետ Մանուկյանը դարձել էր երիտասարդների աշխարհի չեմպիոն, Մամիկոն Խաչատչյանը՝ փոխչեմպիոն:
Քիչ անց տեղի կունենա զուգափայտի վարժության եզրափակիչը, որտեղ տիտղոսի համար կպայքարի այս վարժության Եվրոպայի գործող չեմպիոն Էրիկ Բաղդասարյանը:
Երկրորդ անգամ անցկացվող աշխարհի երիտասարդական առաջնությունում Հայաստանի հավաքականն առաջին անգամ մասնակցեց թիմային պայքարում եւ գրավեց 4-րդ տեղը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։