ԱԱ․ Գագիկ Մկրտչյանը՝ արծաթե մեդալակիր

17:56   1 ապրիլի, 2023

Ալբանիայում անցկացվող ծանրամարտի աշխարհի երիտասարդական առաջնության վերջին օրը +102 կգ քաշային Գագիկ Մկրտչյանը նվաճեց արծաթե մեդալ: Երկամարտում Հայաստանի ներկայացուցիչը գրանցեց 313 կգ արդյունք:

Պոկում վարժությունում Մկրտչյանը բարձրացրեց 139 կգ եւ նվաճեց այս վարժության փոքր բրոնզե մեդալը, հրումում՝ 174 կգ: Այս վարժությունում էլ արժանացավ փոքր արծաթե մեդալի:

+102 կգ քաշային կարգում չեմպիոնի տիտղոսը նվաճեց Վրաստանի ներկայացուցիչ Իրակլի Սակարտվելոն երկամարտի 320 կգ արդյունքով: Բրոնզե մեդալակիր դարձավ Թայպեի ներկայացուցիչ Չենգ Յու Վանգը երկամարտի 310 կգ արդյունքով:

Հիշեցնենք, որ այս առաջնությունում Հայաստանի ներկայացուցիչներից Սերյոժա Բարսեղյանը նվաճել է 67 կգ քաշային կարգի երկամարտի ոսկե մեդալը, փոքր բրոնզե մեդալ է նվաճել 73 կգ քաշային Նարեկ Մկրտչյանը,  երկամարտի բրոնզե մեդալակիր է դարձել 89 կգ քաշային Վալերիկ Մովսիսյանը, 76 կգ քաշային Աննա Ամրոյանը նվաճել է երկամարտի բրոնզե մեդալ։ Աշոտ Մարգարյանը 96 կգ քաշային կարգում է դարձել երկամարտի բրոնզե մեդալակիր։ Էմմա Պողոսյանը 81 կգ քաշային կարգում նվաճել է երկամարտի, պոկում եւ հրում վարժությունների 3 բրոնզե մեդալները։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։