Մայամի․ Ալկարասը պարտվեց Սիներին եւ կզրկվի աշխարհի առաջին ռակետի կոչումից

Աշխարհի առաջին ռակետ Կառլոս Ալկարասը չկարողացավ դուրս գալ Մայամիի «Մասթերս» մրցաշարի եզրափակիչ։ Իսպանացի թենիսիստը կիսաեզրափակիչում մրցեց 11-րդ ռակետ, իտալացի Յանիկ Սիների հետ եւ պարտություն կրեց 3 ժամ եւ 1 րոպեում, 7:6 (7:4), 4:6, 2:6 հաշվով։

Այս պարտության պատճառով Ալկարասը կզրկվի աշխարհի առաջին ռակետի կոչումից։ Պրոֆեսիոնալ թենիսիստների ասոցիացիայի դասակարգման աղյուսակը դարձյալ կգլխավորի սերբ Նովակ Ջոկովիչը։

Եզրափակիչում Սիների մրցակիցը կլինի աշխարհի 5-րդ ռակետ, ռուսաստանցի Դանիիլ Մեդվեդեւը, որը կիսաեզրափակիչում առավելության էր Կարեն Խաչանովի նկատմամբ։

Մայամիի «Մասթերսի» մրցանակային հիմնադրամը 8,8 միլիոն դոլար է։

You know this is going to be a good one @DaniilMedwed @janniksin for the crown @MiamiOpen | #MiamiOpen pic.twitter.com/HokguXXjhS

— ATP Tour (@atptour) April 1, 2023