Տոնի Կրոսը քննադատել է «Բավարիայի» ղեկավարությանը
14:34 30 մարտի, 2023Մադրիդի «Ռեալի» գերմանացի կիսապաշտպան Տոնի Կրոսը քննադատել է Գերմանիայի չեմպիոն Մյունխենի «Բավարիային» գլխավոր մարզիչի պաշտոնից գերմանացի Յուլիան Նագելսմանին անսպասելիորեն հեռացնելու համար։ Տոնի Կրոսը «Բավարիայի» նախկին խաղացող է։
«Նագելսմանի պաշտոնանկությունը նորմալ չէ։ Նրանք ասում էին, որ կաջակցեն մարզիչին, կլինի երկարաժամկետ նախագիծ, բայց արեցին հակառակը։
Ասում են, թե պատճառը մարզական արդյունքներն են։ Մի վայրկյան կարող ենք հավատալ, բայց այդպես չէ։ «Բավարիայի» ղեկավարության գործելակերպն այնքան էլ լավը չէ»,- Տոնի Կրոսի խոսքը մեջբերում է Mundo Deportivo-ն։
Նագելսմանին փոխարինել է գերմանացի Թոմաս Տուխելը, որն անցած տարվա սեպտեմբերին հեռացվել էր Լոնդոնի «Չելսիից»։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։