Երիտասարդական ԱԱ. Հայաստանը թիմային պայքարում 4-րդն է
23:04 29 մարտի, 2023Թուրքիայի Անթալիա քաղաքում անցկացվող սպորտային մարմնամարզության աշխարհի երիտասարդական (մինչեւ 17 տարեկանը լրացած) երկրորդ առաջնությանը Հայաստանը մասնակցում է երեք մարմնամարզիկով՝ երիտասարդների Եվրոպայի չեմպիոն Էրիկ Բաղդասարյան, Եվրոպայի կրկնակի փոխչեմպիոն Համլետ Մանուկյան եւ Մամիկոն Խաչատրյան:
Հայկ Նազարյանի գլխավորությամբ Հայաստանն առաջին անգամ մասնակցեց թիմային պայքարին: Ընդհանուր հաշվարկով 159,161 միավորով Հայաստանի թիմը զբաղեցրեց 4-րդ տեղը:
Թիմային պայքարում 164,831 միավորով հաղթող դարձավ Ճապոնիայի թիմը:
Մարտի 31-ին եւ ապրիլի 1-ին տեղի կունենան բազմամարտի եւ առանձին գործիքների եզրափակիչները: Հայաստանի հավաքականի երեք ներկայացուցիչներն էլ դուրս են եկել եզրափակիչ:
Բազմամարտում կպայքարեն Էրիկ Բաղդասարյանն ու Համլետ Մանուկյանը: Նժույգ թափեր վարժությունում եզրափակիչում մեդալի համար կպայքարեն Համլետ Մանուկյանը եւ Մամիկոն Խաչատրյանը: Օղակների վարժության եզրափակիչ են դուրս եկել Էրիկ Բաղդասարյանը եւ Համլետ Մանուկյանը: Զուգափայտի եզրափակիչում աշխարհի երիտասարդական առաջնության ոսկե մեդալի համար կմրցի Եվրոպայի ոսկե մեդալակիր Էրիկ Բաղդասարյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։