Իտալիայի առաջնության առաջատար «Նապոլին» կիսապաշտպան Խվիչա Կվարացխելիայի հետ կկնքի նոր պայմանագիր, որը նախատեսված կլինի մինչեւ 2028թ․ հունիս։
Վրաստանի հավաքականի ֆուտբոլիստի աշխատավարձը կդառնա տարեկան 2,5 միլիոն եվրո։ Բոնուսների հետ այն կհասնի 4 միլիոն եվրոյի, հաղորդում է Footmercato-ն։
Կվարացխելիան կդառնա նեապոլյան ակումբի ամենաբարձր վարձատրությամբ երկրորդ խաղացողը նիգերիացի հարձակվող Վիկտոր Օսիմենից հետո, որը ստանում է տարեկան 5 միլիոն եվրո՝ ներառյալ բոնուսները։
Կվարացխելիայի պայմանագրում տրանսֆերային գին չի ամրագրվի, սակայն «Նապոլին» կքննարկի 100 միլիոն եվրոյից սկսվող առաջարկներ։
Իտալիայի ընթացիկ առաջնությունում Կվարացխելիան մասնակցել է 23 հանդիպման, խփել 12 գոլ, կատարել 10 գոլային փոխանցում։ Չեմպիոնների լիգայի 7 խաղում նա խփել է 2 գոլ, կատարել 4 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։