Կովաչիչ․ Կարծում եմ՝ Մոդրիչը կմասնակցի Եվրո-2024-ին
12:42 29 մարտի, 2023Եվրո-2024-ի ընտրական փուլի երկրորդ տուրում Թուրքիայի հավաքականի նկատմամբ 2:0 հաշվով հաղթանակից հետո աշխարհի առաջնության բրոնզե մեդալակիր Խորվաթիայի հավաքականի եւ Լոնդոնի «Չելսիի» կիսապաշտպան Մատեո Կովաչիչը հույս է հայտնել, որ ազգային թիմի եւ Մադրիդի «Ռեալի» 37-ամյա կիսապաշտպան Լուկա Մոդրիչը կմասնակցի Եվրո-2024-ի եզրափակիչ մրցաշարին եւ 2026թ․ աշխարհի առաջնությանը։
«Դեռ վաղ է խոսել, թե ես Մոդրիչի փոխարինողն եմ հավաքականում։ Նա դեռ նպատակներ ունի, հատկապես, եթե գնահատենք այսօր նրա ցուցադրած խաղը։ Նա երիտասարդ ֆուտբոլիստի տեսք ուներ։
Կարծում եմ՝ Մոդրիչը կմասնակցի Եվրո-2024-ին։ Հնարավոր է՝ նրան տեսնենք նաեւ աշխարհի առաջնությունում»,- Կովաչիչի խոսքը մեջբերում է ESPN-ը։
Մոդրիչը Խորվաթիայի հավաքականում մասնակցել է 164 հանդիպման, խփել է 23 գոլ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։