«Մանչեսթեր Յունայթեդը» պատրաստ է 100 միլիոն եվրո վճարել Ռամուշի համար
10:05 28 մարտի, 2023Անգլիական «Մանչեսթեր Յունայթեդը» պատրաստ է վճարել Լիսաբոնի «Բենֆիկայի» եւ Պորտուգալիայի հավաքականի հարձակվող Գոնսալու Ռամուշի հրաժարագինը՝ 100 միլիոն եվրո, հաղորդում է Record-ը։
21-ամյա ֆուտբոլիստը դժգոհ է «Բենֆիկայի» ղեկավարությունից, որն անցած տարվա ամռանը նրան խոստացել է աշխատավարձի բարձրացում, սակայն չի կատարել խոստումը։ Նա ցանկանում է ամռանը փոխել ակումբը։
Ընթացիկ մրցաշրջանում Ռամուշը «Բենֆիկայի» հետ բոլոր մրցաշարերում մասնակցել է 36 հանդիպման, խփել 24 գոլ, կատարել 10 գոլային փոխանցում։
Transfermarkt-ը Ռամուշի տրանսֆերային արժեքը գնահատում է 40 միլիոն եվրո։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։