Ալբանիայի մայրաքաղաք Տիրանայում տեղի ունեցած ծանրամարտի աշխարհի երիտասարդական չեմպիոն Սերյոժա Բարսեղյանի պարգեւատրման արարողությունը: Հայաստանի հավաքականի անդամը հավասարը չունեցավ 67 կգ քաշայինների պայքարում: Երկամարտի 275 կգ արդյունքով Բարսեղյանը դարձավ ոսկե մեդալակիր: Պոկում վարժության 128 կգ արդյունքով էլ փոքր ոսկե մեդալ նվաճեց:
Այս քաշային կարգում արծաթե մեդալակիր դարձավ Սաուդյան Արաբիայի ներկայացուցիչ Ալ Մարժուքը (270 կգ), բրոնզե մեդալակիր՝ Հնդկաստանը ներկայացնող Բհարալի Բեդաբրադեն (267 կգ):
Բրոնզե մեդալակիր հնդիկ ծանրորդը մեջքով կանգնեց Հայաստանի հիմնը հնչելու եւ դրոշը բարձրանալու ժամանակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։