Ֆուտբոլի Ռուսաստանի հավաքականը 2021թ․ նոյեմբերից հետո առաջին անգամ միջազգային հանդիպում անցկացրեց սեփական խաղադաշտում։
Վալերի Կարպինի գլխավորած թիմը Սանկտ Պետերբուրգում տեղի ունեցած ընկերական խաղում մրցեց Իրաքի թիմի հետ եւ առավելության հասավ 2:0 հաշվով։
50-րդ րոպեին խաղի հաշիվը բացեց Մոսկվայի «Լոկոմոտիվի» կիսապաշտպան Անտոն Միրանչուկը։ 8 րոպե անց աչքի ընկավ «Լոկոմոտիվի» հարձակվող Սերգեյ Պինյաեւը, որը 18 տարեկան, 4 ամսական, 24 օրականում դարձավ Ռուսաստանի հավաքականի պատմության մեջ գոլ խփած ամենաերիտասարդ ֆուտբոլիստը։
Նախորդ ընկերական խաղում Ռուսաստանի թիմը մարտի 23-ին Թեհրանում 1:1 հաշվով ոչ ոքի էր խաղացել Իրանի հավաքականի հետ։
Ռուս-ուկրաինական պատերազմի հետեւանքով Ռուսաստանի հավաքականը հեռացված է պաշտոնական միջազգային մրցումներից եւ չի մասնակցում Եվրո-2024-ին ընտրական փուլին։
Ընկերական հանդիպում
Ռուսաստան - Իրաք՝ 2:0
Անտոն Միրանչուկ, 50, Սերգեյ Պինյաեւ, 58
18 лет, 4 месяца, 24 дня
— Сборная России (@TeamRussia) March 26, 2023
Пиняев — самый молодой автор гола в истории сборной России!
Браво, Серёга pic.twitter.com/YLyqoH5tun
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։