Բելգիայի հավաքականի եւ Մադրիդի «Ռեալի» դարպասապահ Տիբո Կուրտուան վնասվածքի պատճառով ազգային թիմից ժամանակից շուտ վերադարձել է Արքայական ակումբ, հաղորդում է հավաքականի մամուլի ծառայությունը։
Կուրտուան մարտի 24-ին Բելգիայի հավաքականի կազմում մասնակցել էր Շվեդիայի թիմի դեմ Եվրո-2024-ի ընտրական մրցաշարի առաջին տուրի խաղին։ Բելգիացիները հաղթել էին 3:0 հաշվով Միլանի «Ինտերի» հարձակվող Ռոմելու Լուկակուի հեթ-տրիկի շնորհիվ։
Կուրտուան մկանային խնդիրների պատճառով բաց կթողնի Գերմանիայի հավաքականի հետ ընկերական հանդիպումը, որը նախատեսված է մարտի 28-ին։
Իսպանիայի ընթացիկ առաջնությունում Կուրտուան մասնակցել է 20 հանդիպման, բաց է թողել 18 գոլ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։