Ֆուտբոլի Եվրոպայի չեմպիոն Իտալիայի հավաքականի գլխավոր մարզիչ Ռոբերտո Մանչինին մեկնաբանել է Անգլիայի հավաքականից կրած 1:2 հաշվով պարտությունը Եվրո-2024-ի ընտրական մրցաշարի առաջին տուրի տնային խաղում։
«Հասկանում էինք, որ բարդ հանդիպում է լինելու։ Մենք երկու գոլն էլ բաց թողեցինք ստանդարտ դիրքից։ Այդ դրվագներում պետք է ավելի ուշադիր լինեինք։
Մենք գերիշխում էինք երկրորդ խաղակեսում եւ արժանի էինք ոչ ոքի արդյունքի։ Հիասթափված ենք արդյունքից, բայց առջեւում դեռ շատ հանդիպումներ կան»,- Մանչինիի խոսքը մեջբերում է ՈւԵՖԱ-ի մամուլի ծառայությունը։
C խմբում Իտալիայի հավաքականը մարտի 26-ին կհյուրընկալվի Մալթայի թիմին, որն առաջին տուրում 1:2 հաշվով պարտվել է Հյուսիսային Մակեդոնիային։
Եվրո-2024, C խումբ, առաջին տուր
Իտալիա - Անգլիա` 1:2 (տեսանյութ)
Մատեո Ռետեգի, 56 - Դեքլան Ռայս, 13, Հարի Քեյն, 44, 11մ
Հեռացում՝ Լյուկ Շոու (Անգլիա), 80, երկրորդ դեղին քարտ
Հյուսիսային Մակեդոնիա - Մալթա՝ 2:1
Էլիֆ Էլմաս, 66, Դարկո Չուրլինով, 72 - Յանիկ Յանկամ, 86
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։