Դիբալան կփորձի «Յուվենտուսից» դատարանով ստանալ 50 միլիոն եվրո
18:41 23 մարտի, 2023Աշխարհի չեմպիոն Արգենտինայի հավաքականի եւ իտալական «Ռոմայի» 29-ամյա հարձակվող Պաուլո Դիբալան դիմել է դատարան՝ իր նախկին ակումբ «Յուվենտուսից» պահանջելով 50 միլիոն եվրո, հաղորդում է իտալական Corriere della Sera-ն։
Դիբալան անցած մրցաշրջանի վերջում «Յուվենտուսի» հետ համաձայնության է հասել հինգ տարվա պայմանագրի վերաբերյալ, սակայն թուրինյան ակումբը վերջին պահին հրաժարվել է կնքել նոր պայմանագիր։ 50 միլիոն եվրոն տարբերությունն է այդ հինգ տարվա պայմանագրով հնարավոր վարձատրության եւ «Ռոմայի» հետ երեք տարվա պայմանագրով եկամտի միջեւ։
Ընթացիկ մրցաշրջանում Դիբալան «Ռոմայի» հետ բոլոր մրցաշարերում մասնակցել է 29 հանդիպման, խփել 13 գոլ, կատարել 8 գոլային փոխանցում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։