Իտալիայի չեմպիոն «Միլանն» ամռանը կվաճառի պորտուգալացի հարձակվող Ռաֆայել Լեաուին, եթե չկարողանա համաձայնության հասնել նրա հետ պայմանագրի երկարաձգման հարցով, հաղորդում է Calciomercato-ն։
Իտալական ակումբը 23-ամյա ֆուտբոլիստին առաջարկել է տարեկան 6 միլիոն եվրո աշխատավարձ, Լեաուն պահանջում է 7,5 միլիոն եվրո։ Նրա գործող պայմանագիրը «Միլանի» հետ նախատեսված է մինչեւ 2024թ․ հունիս։
Լեաուն 2019թ․ օգոստոսից է հանդես գալիս «Միլանում»։ Այս մրցաշրջանում նա իտալացի Ստեֆանո Պիոլիի գլխավորած թիմի հետ մասնակցել է 35 հանդիպման, խփել 9 գոլ, կատարել 10 գոլային փոխանցում։
Transfermarkt.com-ը Լեաուի տրանսֆերային արժեքը գնահատում է 80 միլիոն եվրո։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։