«Բարսելոնայի» կամային հաղթանակը «Ռեալի» նկատմամբ (տեսանյութ)

Իսպանիայի առաջնության 26-րդ տուրում փոխչեմպիոն «Բարսելոնան» ընդունեց չեմպիոն «Ռեալին» եւ կամային հաղթանակ տարավ 2:1 հաշվով։

9-րդ րոպեին Արքայական թիմի բրազիլացի հարձակվող Վինիսիուս Ժունիորի հարվածից հետո սեփական դարպասը գրավեց «Բարսելոնայի» ուրուգվայցի պաշտպան Ռոնալդ Արաուխոն (տեսանյութ)։ 45-րդ րոպեին հավասարությունը վերականգնեց դաշտի տերերի իսպանացի պաշտպան Սերխի Ռոբերտոն (տեսանյութ)։

81-րդ րոպեին «Ռեալի» իսպանացի հարձակվող Մարկո Ասենսիոն գրավեց «Բարսելոնայի» դարպասը, սակայն VAR-ը գրանցեց խաղից դուրս վիճակ (տեսանյութ)։

Իսպանացի Չավիի գլխավորած թիմի հաղթական գոլն ավելացված ժամանակում խփեց կոտդիվուարցի կիսապաշտպան Ֆրանկ Կեսիեն, որին գոլային փոխանցում կատարեց իսպանացի պաշտպան Ալեքս Բալդեն։

«Բարսելոնան» 68 միավորով գլխավորում է մրցաշարային աղյուսակը։ «Ռեալը» երկրորդն է՝ 56 միավոր։

Իսպանիայի առաջնություն, 26-րդ տուր

«Բարսելոնա» - «Ռեալ Մադրիդ»՝ 2:1 (տեսանյութ)

Սերխի Ռոբերտո, 45, Ֆրանկ Կեսիե, 90+2 - Ռոնալդ Արաուխո, 9, ինքնագոլ