Մեժլում Մեժլումյանը արծաթե մեդալ նվաճեց Ռումինաիայի մայրաքաղաք Բուխարեստում ավարտվող ազատ ոճի ըմբշամարտի Եվրոպայի Մ23 առաջնությունում:
61 կգ քաշային կարգի եզրափակիչում Մեժլումյանը մրցեց Ուկրաինան ներկայացնող Անդրեյ Ժելեպի հետ եւ պարտվեց 0:10 հաշվով:
Մեժլում Մեժլումյանը պայքարը սկսել էր որակավորման փուլից, որտեղ 10:0 հաշվով հաղթել էր Ֆրանսիան ներկայացնող Ադամ Բիբուլատովին, քառորդ եզրափակիչում վստահ հաղթանակ էր տարել ռումինացի Դանիել Ռիտերի նկատմամբ կրկին 10:0 հաշվով: Կիսաեզրափակիչում 6:5 հաշվով հաղթեց իտալացի Սիմոն Վինչենցո Պիրոդուին:
Քիչ անց ոսկե մեդալի համար գոտեմարտ կանցկացնի նաեւ 86 կգ քաշային Կնյազ Իբոյանը: Մրցակիցը Ֆրանսիայի ներկայացուցիչ Ռախիմ Մագամադովն է:
Բրոնզե մեդալի համար գոտեմարտ կանցկացնի նաեւ 92 կգ քաշային Սերգեյ Սագսյանը, որը պարտվել էր մեկնարկային գոտեմարտում: Նրան հաղթած վրացի Անդրո Մարգիշվիլին դուրս է եկել եզրափակիչ: Սերգեյ Սարգսյանը մեկ սփսոփիչ գոտեմարտ է անցկացրել, որտեղ 7:0 հաշվով հաղթել է շվեդ Ֆարհադ Անոշեյին: Բրոնզե մեդալի համար գոտեմարտում Սարգսյանի մրցակիցը կլինի Ադրբեջանը ներկայացնող Աբդուլջալիլ Շաբանովը:
Հաբեթնակ Կուրղինյանի գլխավորած հավաքականը նվաճել է 2 արծաթե եւ 2 բրոնզե մեդալներ: Արծաթե մեդալակիրներ են դարձել Հայկ Պապիկյանը (70 կգ), Մեժլում Մեժլումյանը (61կգ), բրոնզե մեդալակիրներ՝ Էդիկ Հարությունյանը (57 կգ) եւ Մարտին Սիմոնյանը (125կգ):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։