Մ23 ԵԱ. Էդիկ Հարությունյանը ադրբեջանցու նկատմամբ տպավորիչ հաղթանակով նվաճեց բրոնզե մեդալ (ֆոտո)
20:34 18 մարտի, 2023Էդիկ Հարությունյանը ադրբեջանցու նկատմամբ տպավորիչ հաղթանակով բրոնզե մեդալ նվաճեց Ռումինիայում ընթացող ազատ ոճի ըմբշամարտի Եվրոպայի Մ23 առաջնությունում:
57 կգ քաշայինների բրոնզե մեդալի համար գոտեմարտում Հարությունյանը մրցեց Ադրբեջանը ներկայացնող Նուրադին Նովրուզովի հետ եւ ժամանակից շուտ հաղթանակի հասավ 13:2 հաշվով:
Էդիկ Հարությունյանը Եվրոպայի առաջնության առաջին մրցումային օրը պարտվել էր մենկարկում, բայց բրոնզե մեդալի համար պայքարելու հնարավորություն է ստացել, քանի որ նրան հաղթած թուրք ըմբիշը դուրս էր եկել եզրափակիչ: Միակ սփոփիչ գոտեմարտում 8:0 հաշվով հաղթել է լեհ Ռաֆալ Ռոման Ժեւչին:
Քիչ անց Հաբեթնակ Կուրղինյանի գլխավորած հավաքականից ոսկե մեդալի համար կպայքարի Հայկ Պապիկյանը (70 կգ): Մրցակիցը Ադրբեջանի ներկայացուցիչ Մագոմեդ Բաշիր Խանիեւն է:
Նարեկ Գրիգորյանի Ադրբեջանը ներկայացնող Սաբուհի Ամիրասլանովի հետ կպայքարի բրոնզե մեդալի համար:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։