Մ23 ԵԱ․ Մեժլումյանն ու Իբոյանը դուրս եկան եզրափակիչ
19:33 18 մարտի, 2023Ռումինաիայում ընթացող ազատ ոճի ըմբշամարտի Եվրոպայի մինչեւ 23 տարեկանների առաջնությունում Մեժլում Մեժլումյանն ու Կնյազ Իբոյանը վստահ հաղթանակներով դուրս եկան եզրափակիչ:
61 կգ քաշայինների կիսաեզրափակիչում Մեժլում Մեժլումյանը 6:5 հաշվով հաղթեց իտալացի Սիմոն Վինչենցո Պիրոդուին:
Կնյազ Իբոյանը 86 կգ քաշայինների կիսաեզրափակիչում գերլարված պայքարում 3:2 հաշվով առավելության հասավ թուրք Իսմայիլ Կուկուկսոլակին: Գոտեմարտն ավարտվեց 2:2 հաշվով՝ Կնյազ Իբոյանը վերջին միավորի առավելությամբ, թուրք ըմբիշն ու նրա մարզիչը չհամաձայնեցին պարտության: Չելենջ գցեցին, բայց մրցավարները չբավարարեցին: Իբոյանի հաշիվը դարձավ 3: Թուրք մրցակիցը պարտության հետ համաձայն չէր նաեւ չելենջը պարտվելուց հետո, նա չէր ցանկանում գալ գորգի կենտրոն, որպեսզի մրցավարը հայտարարի հաղթողին: Վերջում պարտված թուրքը չպատասխանեց նաեւ Իբոյանի ձեռքսեղմանը:
Քիչ անց Բուխարեստի մրցագորգում կմեկնարկեն եզրափակիչներն ու բրոնզե մեդալների համար գոտեմարտերը, որտեղ Հայաստանն ունի երեք մասնակից:
Հաբեթնակ Կուրղինյանի գլխավորած հավաքականից ոսկե մեդալի համար կպայքարի Հայկ Պապիկյանը (70 կգ): Մրցակիցը Ադրբեջանի ներկայացուցիչ Մագոմեդ Բաշիր Խանիեւն է:
Բրոնզե մեդալի համար գոտեմարտեր կանցկացնեն Էդիկ Հարությունյանն ու Նարեկ Գրիգորյանը:
Էդիկ Հարությունյանի մրցակիցը կլինի Ադրբեջանը ներկայացնող Նուրադին Նովրուզովը:
Նարեկ Գրիգորյանի մրցակիցը Ադրբեջանը ներկայացնող Սաբուհի Ամիրասլանովն է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.