Ալկարասն ու Շվյոնտեկը 1/8 եզրափակիչում են

Աշխարհի երկրորդ ռակետ Կառլոս Ալկարասը դուրս եկավ ԱՄՆ-ի Ինդիան Ուելս քաղաքում անցկացվող «Մասթերս» մրցաշարի 1/8 եզրափակիչ։ 19-ամյա իսպանացի թենիսիստը մրցեց հոլանդացի Տալոն Գրիսպորի հետ եւ հաղթեց  1 ժամ եւ 42 րոպեում՝ 7:6 (7:4), 6:3։

Ալկարասի հաջորդ մրցակիցը կլինի բրիտանացի Ջեք Դրեյփերը, որը երրորդ շրջանում 7:6 (8:6), 6:2 հաշվով պարտության է մատնել բրիտանացի Էնդի Մարեյին։

Կանանց մրցաշարում աշխարհի առաջին ռակետ Իգա Շվյոնտեկը երրորդ շրջանում 6:3, 7:6 (7:1) հաղթեց Կանադայի ներկայացուցիչ Բիանկա Անդրեեսկուին։ 1/8 եզրափակիչում Շվյոնտեկը կմրցի բրիտանացի Էմմա Ռադուկանուի հետ։

Ինդիան Ուելսի «Մասթերսի» մրցանակային հիմնադրամը 8,8 միլիոն դոլար է։

Driving it home

No.1 seed @iga_swiatek moves past Andreescu in a tight 6-3, 7-6(1) win!#TennisParadise pic.twitter.com/s9SfGzupLg

— wta (@WTA) March 14, 2023