Իտալիայի առաջնության 26-րդ տուրում չեմպիոն «Միլանը» հյուրընկալեց «Սալերնիտանային»։ Իտալացի Ստեֆանո Պիոլիի գլխավորած թիմը բաց թողեց հաղթանակը։ Գրանցվեց ոչ ոքի՝ 1:1։
Առաջին խաղակեսի ավելացված ժամանակում խաղի հաշիվը բացեց «Միլանի» ֆրանսիացի հարձակվող Օլիվիե Ժիրուն, որին 62-րդ րոպեին փոխարինեց շվեդ հարձակվող Զլատան Իբրահիմովիչը։
Հյուրերը հավասարությունը վերականգնեցին երկրորդ խաղակեսում սենեգալցի հարձակվող Բուլայե Դիայի գոլի շնորհիվ (տեսանյութ)։
«Միլանը» 48 միավորով չորրորդն է եւ 1 միավոր է հետ երրորդ տեղում գտնվող Հռոմի «Լացիոյից»։ «Սալերնիտանան» 16-րդն է՝ 26 միավոր։
Իտալիայի առաջնություն, 26-րդ տուր
«Միլան» - «Սալերնիտանա»՝ 1:1 (տեսանյութ)
Օլիվիե Ժիրու, 45+1 - Բուլայե Դիա, 61
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։