Իտալիայի առաջնության 25-րդ տուրում փոխչեմպիոն «Ինտերը» Միլանում մրցեց «Լեչեի» հետ։ Իտալացի Սիմոնե Ինձագիի գլխավորած թիմը հաղթեց 2:0 հաշվով։
29-րդ րոպեին խաղի հաշիվը բացեց միլանյան թիմի կիսապաշտպան, Հայաստանի հավաքականի նախկին ավագ Հենրիխ Մխիթարյանը (տեսանյութ)։ Գոլային փոխանցումը կատարեց իտալացի կիսապաշտպան Նիկոլո Բարելան։
53-րդ րոպեին դաշտի տերերի առավելությունը կրկնապատկեց աշխարհի չեմպիոն Արգենտինայի հավաքականի հարձակվող Լաուտարո Մարտինեսը, որին գոլային փոխանցում կատարեց հոլանդացի պաշտպան Դենզել Դյումֆրիսը։
Մխիթարյանը փոխարինվեց 71-րդ րոպեին։
«Ինտերը» 50 միավորով երկրորդն է եւ 15 միավոր հետ է առաջատար «Նապոլիից»։ «Լեչեն» 15-րդն է՝ 27 միավոր։
Իտալիայի առաջնություն, 25-րդ տուր
«Ինտեր» - «Լեչե»՝ 2:0 (տեսանյութ)
Հենրիխ Մխիթարյան, 29, Լաուտարո Մարտինես, 53
— Inter (@Inter) March 5, 2023
Segui #InterLecce qui https://t.co/YKGpWFxfCz#ForzaInter pic.twitter.com/iA27CYTxdk
— Inter (@Inter) March 5, 2023
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։