Աշխարհի նախկին չեմպիոն Մուրադ Գասիեւը ստացել է Հայաստանի քաղաքացիություն
01:09 2 մարտի, 2023Պրոֆեսիոնալ բռնցքամարտի WBA և IBF վարկածներով առաջին ծանրքաշային կարգում աշխարհի նախկին չեմպիոն, ռուսաստանցի Մուրադ Գասիևը (Վլադիկավկազ, Հյուսիսային Օսեթիա) Հայաստանի Հանրապետության քաղաքացիություն է ստացել, հաղորդում է ԿԳՄՍՆ-ի կայքը:
Մարտի 3-ին Երևանում՝ Կարեն Դեմիրճյանի անվան մարզահամերգային համալիրում տեղի կունենա պրոֆեսիոնալ բռնցքամարտի երեկո, որի գլխավոր մենամարտում Մուրադ Գասիևը կմրցի ամերիկացի Մայք Բալոգուի հետ։
Մուրադ Գասիևը ծանրքաշային կարգում WBA Asia վարկածով Ասիայի, իսկ EBP վարկածով՝ Եվրասիայի գործող չեմպիոնն է։
Գասիևը հաստատել է հետագայում Հայաստանի դրոշի ներքո ռինգ դուրս գալու հնարավորությունը:
Պրոֆեսիոնալ բռնցքամարտի երեկոյի ընթացքում կմենամարտեն Հայաստանը ներկայացնող բռնցքամարտիկներ Սամվել Ապրեյանն ու Ղուկաս Ղուկասյանը, նաև Արման Գալստյանն ու Հայրիկ Նազարյանը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.