«Բետիսը» հաղթեց հետնապահին 0:2-ից հետո (տեսանյութ)
02:08 25 փետրվարի, 2023Իսպանիայի առաջնության 23-րդ տուրում «Բետիսը» հյուրընկալվեց «Էլչեին» եւ կամային հաղթանակ տարավ 3:2 հաշվով։
Արդեն առաջին 9 րոպեում «Էլչեն» խփեց իր գոլերը՝ 2:0։ Աչքի ընկան իսպանացի կիսապաշտպան Ֆիդել Չավեսն ու արգենտինացի հարձակվող Լուկաս Բոեն։
55-րդ րոպեին հեռացվեց «Էլչեի» արգենտինացի պաշտպան Լիսանդրո Մագալիանը։
65-րդ րոպեին հաշվի տարբերությունը կրճատեց «Բետիսի» իսպանացի հարձակվող Բորխա Իգլեսիասը։ 3 րոպե անց իսպանացի պաշտպան Խուան Միրանդան վերականգնեց հավասարությունը։ «Բետիսի» հաղթական գոլն ավելացված ժամանակում 11-մետրանոցից խփեց բրազիլացի հարձակվող Վիլիան Ժոզեն։
«Բետիսը» 40 միավորով 5-րդն է եւ 1 միավոր է հետ չորրորդ տեղում գտնվող Մադրիդի «Աթլետիկոյից», որն այս տուրում կմրցի «Ռեալի» հետ։ «Էլչեն» վերջին տեղում է՝ 9 միավոր։
Իսպանիայի առաջնություն, 23-րդ տուր
«Էլչե» - «Բետիս»՝ 2:3 (տեսանյութ)
Ֆիդել Չավես, 7, 11մ, Լուկաս Բոե, 9 - Բորխե Իգլեսիասն, 65, Խուան Միրանդա, 68, Վիլիան Ժոզե, 90+5, 11մ
Չիրացրած 11մ` Բորխա Իգլեսիաս («Բետիս»), 87
Հեռացումներ՝ Լիսանդրո Մագալիան («Էլչե»), 55, Էնսո Ռոկո («Էլչե»), 90+4, երկրորդ դեղին քարտ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.